हिंदू आणि जैन धर्मात अक्षय्य तृतीयेला विशेष महत्त्व आहे. या दिवशी, शुभ कार्य आणि खरेदी करणे अत्यंत शुभ मानले जाते, खासकरून सोने आणि चांदी. अक्षय तृतीया शुभ कार्यांसाठी, जसे की विवाह, गृहप्रवेश, आणि नवीन व्यवसाय सुरू करणे, खूप शुभ मानली जाते, अक्षय्य तृतीयेला खरेदी आणि दानधर्माला खूप महत्त्व आहे. शास्त्रांनुसार, अक्षय्य तृतीयेला केलेले दान आणि सत्कर्म अनेक जन्मांचे फळ देतात. या दिवशी दान केल्याने सुख आणि समृद्धी वाढते. तसेच माता लक्ष्मीचा आशीर्वाद तुमच्यावर राहतो. पौराणिक कथेनुसार, सत्ययुगाची सुरुवात वैशाख महिन्यातील शुक्ल पक्षाच्या तिसऱ्या दिवशी म्हणजेच अक्षय्य तृतीयेला झाली. वेदव्यासांनी अक्षय्य तृतीयेला महाभारत लिहायला सुरुवात केली असे मानले जाते. भगवान परशुरामांचा जन्म अक्षय तृतीयेच्या दिवशी झाला होता. भगवान परशुराम हे भगवान विष्णूचे सहावे अवतार मानले जातात. भगवान परशुराम हे ऋषी जमदग्नी आणि राजकुमारी रेणुकेचे पुत्र होते. परशुराम जयंती हा सणही अक्षय्य तृतीयेच्या दिवशी साजरा केला जातो.

या दिवशी काय केलं जातं?

या दिवशी वेगवेगळ्या वस्तूंची खरेदी करणं शुभ मानलं जातं. याने घरात समृद्धी आणि भरभराटी येते असा समज आहे. या दिवशी नवीन घरात प्रवेश, नवीन वस्तू घेणे, मोठे आर्थिक व्यवहार करणे, नवीन वस्त्र, दागिने विकत घेणे, नवीन वाहन खरेदी अशा गोष्टी केल्या जातात.

शुभ मुहूर्त

वैशाख महिन्याच्या शुक्ल पक्षातील तृतीया तिथी 29 एप्रिल 2025 रोजी सायंकाळी 5:31 वाजता सुरू होईल आणि 30 एप्रिल 2025 रोजी दुपारी 2:12 पर्यंत राहील.