मराठी कलाविश्वात  खळबळ उडवून देणारी बातमी समोर आली आहे. गोरेगाव येथील एका बांधकाम व्यावसायिकाकडून 10 कोटी रुपयांची खंडणी मागितल्याच्या आरोपाखाली मुंबई पोलिसांच्या खंडणीविरोधी पथकाने दोन महिलांना अटक केली आहे. अटक केलेल्या दोन महिलांपैकी एक मराठी अभिनेत्री असल्याने या प्रकरणाने रिअल इस्टेट आणि मनोरंजन क्षेत्रात खळबळ उडाली आहे. अटक केलेल्या आरोपींपैकी एक हेमलता पाटकर आहे, जिला हेमलता आदित्य पाटकर किंवा हेमलता बाणे म्हणूनही ओळखले जाते, तिचे वय 39 असून ती कांदिवलीची रहिवासी आहे.

10 कोटींचं खंडणी प्रकरण; अभिनेत्री अटकेत

गोरेगावमधल्या एका बिल्डरकडून 10 कोटी रुपयांची खंडणी मागितल्याप्रकरणी दोन महिलांना पोलिसांनी अटक केली. त्यापैकी एक मराठी अभिनेत्री असल्याचं समजताच मनोरंजन विश्वात खळबळ उडाली आहे. हेमलता पाटकर असं त्या अभिनेत्रीचं नाव असून ती छोट्या पडद्यावरील एका लोकप्रिय अभिनेत्रीची सून आहे. कांदिवली इथली हेमलता आणि सांताक्रूझ इथली अमरिना झवेरी या दोघींनी मिळून एका प्रसिद्ध बिल्डरच्या मुलाला विनयभंगाच्या खोट्या गुन्ह्यात अडकवू, अशी धमकी देऊन दहा कोटी रुपयांची खंडणी मागितली. याच खंडणीचा पहिला हप्ता दीड कोटी रुपये स्वीकारताना दोघींना मुंबई गुन्हे शाखेनं रंगेहाथ पकडलं.

हेमलता पाटकर ही ‘आई कुठे काय करते’ या गाजलेल्या स्टार प्रवाह वाहिनीवरील मालिकेत कांचन देशमुखची भूमिका साकारलेल्या अभिनेत्री अर्चना पाटकर यांची सून आहे. आरोपी हेमलता आणि अमरिना यांना 29 डिसेंबरपर्यंत पोलीस कोठडी सुनावण्यात आली आहे. अटकेनंतर त्यांना आधी पोलीस कोठडी सुनावण्यात आली होती. या कोठडीची मुदत संपल्यानंतर दोघींना शनिवारी एस्प्लेनेड न्यायालयात हजर केलं असताना न्यायालयाने त्यांना सोमवारपर्यंत पोलीस कोठडी सुनावली.

खंडणीचं प्रकरण नेमकं आहे तरी काय ?