रोहित शर्माचा अपमान

माजी क्रिकेटपटू मनोज तिवारी यांनी सध्याच्या वनडे संघाच्या परिस्थितीवर भाष्य करताना सांगितले की, प्लेइंग इलेव्हनच्या निवडीत सातत्याने चुका होत राहिल्या आहेत. तिवारी यांनी इतकंही म्हटलं की, वनडे क्रिकेट पाहण्यातली त्यांची उत्सुकता आता कमी होत चालली आहे.

ते म्हणाले, “टी-२० वर्ल्ड कप आणि चॅम्पियन्स ट्रॉफी जिंकणाऱ्या कर्णधाराला अचानक एका नव्या कर्णधाराने बदलणं हे अनावश्यक होतं. मी रोहितसोबत खेळलो आहे आणि त्याच्याशी माझं खास नातं आहे. ज्या पद्धतीने हे सगळं घडलं, ते मला अजिबात आवडलं नाही. ज्याने क्रिकेट विश्वाला इतकं काही दिलं आहे, त्या क्रिकेटपटूबद्दल हे अपमानास्पद वाटतं.”