दिवाळी सण म्हणजे आनंद, उत्साहाचा, जल्लोषाचा. अगदी लहानांपासून ते मोठ्यांपर्यंत सगळेचजण दिवाळी उत्साहात साजरी करतात. दिवाळी या सणानिमित्त फटाके फोडणे, नातेवाईक आणि शेजाऱ्यांसोबत मजा करणे, विविध मिठाई आणि पदार्थांचा आस्वाद घेणे, गोड धोड खाणे हे सुरुच असते. दिवाळीच्या सणानिमित्त आपण आपल्या प्रिजनांच्या भेटीगाठी घेतो. यंदाच्या दिवाळीत घरी येणाऱ्या पाहुण्यांच्या स्वागतासाठी तुम्ही दुधीची खीर बनवू शकता. आज आपण दुधीची खीर कशी बनवायची याची रेसिपी पाहणार आहोत…
साहित्य
- १ कप किसलेला दुधी भोपळा
- १ लिटर दूध
- १/२ कप साखर (आवडीनुसार)
- १/४ चमचा वेलची पूड
- बदाम, पिस्ता, काजू इत्यादी ड्राय फ्रुट्स
- तूप (ऐच्छिक)
कृती
- दुधी भोपळा सोलून किसून घ्या. किसलेला दुधी हातांनी दाबून त्यातील सर्व पाणी पिळून काढून टाका. यामुळे खीर घट्ट होणार नाही.
- एका कढईमध्ये दूध गरम करा आणि उकळी आणा. त्यात पिळून काढलेला दुधी घाला आणि मंद आचेवर दूध अर्धे होईपर्यंत शिजवा. दुधी पूर्णपणे शिजला पाहिजे.
- दुधी शिजल्यावर त्यात साखर घाला आणि साखर विरघळेपर्यंत ढवळत राहा.
- वेलची पूड आणि तुमच्या आवडीचे ड्राय फ्रुट्स (बदाम, पिस्ता, काजू इत्यादी) घालून मिक्स करा.
- खीर तयार झाल्यावर एका बाऊलमध्ये काढून घ्या. वरून अजून थोडे ड्राय फ्रुट्स घालून सजवा आणि गरमागरम किंवा थंडगार सर्व्ह करा.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
हे ही वाचा
1घरात चुकूनही आणू नका या देवाची मूर्ती; अन्यथा होईल मोठं नुकसान
2Mahashiratri 2026 : महाशिवरात्रीला महादेवाला अर्पण करा ‘थंडाई’; भोलेनाथ होतील प्रसन्न, जाणून घ्या पौराणिक महत्त्व…
3Shani Pradosh 2026 : शनि प्रदोष विशेष! शनीच्या साडेसातीचा प्रभाव कमी करण्यासाठी ‘या’ काळात करा हनुमान चालीसा पठण..
4Shani Pradosh Vrat 2026 : ‘शनि प्रदोष व्रत’ शिव आणि शनिदेवाच्या कृपेसाठी करा ‘हे’ विशेष उपाय..