सध्या सर्वत्र दिवाळीची लगबग सुरू आहे. उद्या दिवाळीचा मुख्य दिवस असून दिवाळीच्या शुभ दिवशी लक्ष्मी माता आणि गणपती बाप्पाची पूजा केली जाते. दरवर्षी दिवाळीच्या अमावस्येला लक्ष्मीपूजन करण्याची प्रथा पाळली जाते. मात्र यंदाच्या दिवाळीत 20 आणि 21 ऑक्टोबर या दोन दिवशी अमावस्या असल्यानं पूजन (Laxmi Pujan Shubh Muhurt) करायचं कधी? असा प्रश्न अनेकांना पडलाय. ज्या रात्री अमावस्या असते त्या रात्री लक्ष्मीपूजन केलं जातं, मात्र यावेळी 20 तारखेच्या रात्री अमावस्या असली तरी 21 ऑक्टोबर रोजी पूजन केलं जाणार आहे. या पूजनाची शुभ वेळ काय आहे ते आपण जाणून घेऊया.

लक्ष्मीपूजन करण्यासाठी अडीच तासाचा वेळ : Laxmi Pujan Shubh Muhurt

अमावस्या तिथी 20 ऑक्टोबर 2025 रोजी दुपारी 3.44 वाजता सुरू होणार असून 21 ऑक्टोबर 2025 रोजी संध्याकाळी 5.54 वाजता तिथी संपणार आहे. तज्ज्ञांच्या माहितीनुसार, 21 ऑक्टोबर रोजी लक्ष्मीपूजन करणं योग्य आहे. यादिवशी सूर्यास्तानंतर म्हणजे संध्याकाळी 6.10 वाजेपासून ते रात्री 8.40 वाजेदरम्यान लक्ष्मीपूजन करू शकता. यंदा लक्ष्मीपूजन करण्यासाठी जवळपास अडीच तासाचा वेळ आहे. Laxmi Pujan Shubh Muhurt

हे ही वाचा

1घरात चुकूनही आणू नका या देवाची मूर्ती; अन्यथा होईल मोठं नुकसान
2Mahashiratri 2026 : महाशिवरात्रीला महादेवाला अर्पण करा ‘थंडाई’; भोलेनाथ होतील प्रसन्न, जाणून घ्या पौराणिक महत्त्व…
3Shani Pradosh 2026 : शनि प्रदोष विशेष! शनीच्या साडेसातीचा प्रभाव कमी करण्यासाठी ‘या’ काळात करा हनुमान चालीसा पठण..
4Shani Pradosh Vrat 2026 : ‘शनि प्रदोष व्रत’ शिव आणि शनिदेवाच्या कृपेसाठी करा ‘हे’ विशेष उपाय..

असे करा लक्ष्मी पूजन?

सर्वात आधी गणपतीचे पूजन करून ‘ॐ गं गणपतये नमः’ मंत्र जपावा. त्यानंतर कलश आणि कुबेरादी देवतांचे पूजन करावे. मग महालक्ष्मीचे पूजन करावे. देवीला हळद, कुंकू, चंदन लावावे, कमळाचे किंवा शुभ्र फुले अर्पण करावीत आणि पंचामृताने तसेच शुद्ध पाण्याने स्नान घालावे. वस्त्र, आभूषण आणि गंध अर्पण करून धूप आणि दीप प्रज्वलित करावा. ‘ॐ महालक्ष्म्यै नमः’ या मंत्राचा जप करणे अत्यंत मंगलकारी मानले जाते.

(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)