Home remedies to get rid of back acne:  बदलत्या हवामानामुळे आणि प्रदूषणामुळे आपली त्वचा प्रचंड खराब होऊ शकते. परंतु, त्याचा फक्त चेहऱ्यावरच परिणाम होतोअसे नाही.अनेकांना पाठीवरही मुरुमे येतात. हे पुरळ वेदनादायक, खाज सुटणारे किंवा फक्त लहान, लाल ठिपके असू शकतात. पाठीवरील मुरुमांकडे अनेकदा दुर्लक्ष केले जाते.

पण जर तुम्ही त्याकडे दुर्लक्ष केले किंवा त्यांना नखाने ओरखडे काढले, तर ते लाल होऊन समस्या आणखी वाढू शकते. तुम्हाला कपडे घालण्यास त्रास होऊ शकतो किंवा वेदना जाणवू शकतात. जर तुम्हीही या समस्येने त्रस्त असाल तर काळजी करण्याची गरज नाही. आज आपण पाठीवरील पुरळ दूर करण्यासाठी सोपे घरगुती उपाय जाणून घेऊया……

दही –
कधीकधी उष्णतेमुळे आपल्या पाठीवर मुरुमे येऊ शकतात. अशा परिस्थितीत, २ चमचे दह्यात २ चमचे बेसन आणि चिमूटभर हळद घालून दह्याचा पॅक बनवा. तो तुमच्या पाठीला लावा आणि सुकू द्या. सुकल्यानंतर धुवा. यामुळे तुमची त्वचा स्वच्छ होईल आणि मुरुमे बरे होतील.

कडुलिंबाची पाने-
कडुलिंबामध्ये मोठ्या प्रमाणात अँटीफंगल, अँटीसेप्टिक, अँटीबॅक्टेरियल, अँटी-इंफ्लेमेटरी आणि अँटीऑक्सिडंट गुणधर्म असतात. कडुलिंबाच्या पानांची पेस्ट किंवा तेल तुमच्या पाठीवर लावल्याने मुरुमे कमी होण्यास मदत होते. हे गुणधर्म मुरुमे पसरण्यापासून, खाज वाढण्यापासून आणि संसर्ग रोखण्यास मदत करतील.

बेकिंग सोडा आणि पाणी-
बेकिंग सोडा त्वचेला एक्सफोलिएट करतो आणि जास्तीचे तेल शोषून घेतो. म्हणून, बेकिंग सोडा थोड्या पाण्यात मिसळून पेस्ट तयार करा. तो तुमच्या पाठीला लावा आणि १०-१५ मिनिटे तसेच राहू द्या. सुकल्यानंतर, तुमची पाठ स्वच्छ पाण्याने धुवा. आठवड्यातून दोनदा वापर केल्यास लगेच फरक दिसेल.

(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)