Bakarvadi Recipe Marathi:   दिवाळीचा सण अवघ्या काही दिवसांवर आला आहे. त्यामुळे सर्वांचीच लगबग सुरु झाली आहे. लहानांपासून-मोठ्यांपर्यंत सर्वजणच खरेदीपासून ते सजावटीपर्यंत सर्वकाही आवडीने करत आहेत. दिवाळीमधील एक महत्वाचा भाग म्हणजे फराळ होय. यामध्ये चिवडा, करंज्या, चकली आणि वेगवेगळ्या प्रकारच्या लाडूंचा समावेश होतो.

यातीलच एक सर्वांचा आवडता फराळाचा प्रकार म्हणजे बाकरवडी होय. बाकरवडी अनेकजण अजूनही बाजारातून आणतात. कारण बाकरवडी बनवणे कठीण आणि वेळखाऊ वाटते. तसेच अनेकांना बाकरवडी कसं बनवायचं हेच माहिती नसत. त्यामुळेच आज आपण बाकरवडी बनवण्याची सोपी पद्धत जाणून घेऊया…..

बाकरवडी बनवण्यासाठी लागणारे साहित्य-

-एक कप पीठ
-दोन चमचे बेसन
-गोड चिंचेची चटणी
-खोबऱ्याचा खिस
-एक चमचा तीळ
-चवीनुसार साखर
-एक चमचा धणे पावडर
-बडीशेप पावडर
-लाल मिरची पावडर
-जिरे
-हळद पावडर
-आले पावडर
-गरम मसाला
-मीठ
-एक चिमूटभर ओवा
-तेल

बाकरवडी बनवण्याची रेसिपी-

बाकरवडी बनवण्यासाठी, पीठात दोन चमचे तेल, चिमूटभर ओवा, थोडे मीठ आणि दोन चमचे बेसन आणि थोडे पाणी घालून मळून झाल्यावर ते थोडा वेळ झाकून ठेवा.

त्याच वेळी, नारळाच्या खिसमध्ये तीळ, साखर, धणे पावडर, चिमूटभर बडीशेप पावडर, चिमूटभर जिरे, लाल तिखट, मीठ, हळद पावडर, एक चमचा आले पावडर आणि गरम मसाला घालून बारीक पावडर तयार करा.

आता पीठ मऊ करा, त्याचे लहान गोळे करा आणि गोल लाटा. लाटलेल्या पुरीचे २ भाग करा. आता या पुरीवर चटणी लावा आणि पसरवा. एक चमचा मसाला घाला आणि समान रीतीने पसरवा.

आता दुसऱ्या भागावरही चटणी आणि मसाला पसरवा, काठावर थोडे पाणी लावा. आता ते लाटून चिकटवा. दोन्ही उघड्या कडा बंद करा आणि लाटताना ते थोडे पातळ आणि लांब करा.

दुसरा भाग त्याच प्रकारे लाटून तयार करा. आता त्याचे अर्ध्या इंचाचे तुकडे करा. तुकडे एका प्लेटमध्ये ठेवा. आता तयार केलेली बाकरवडी अर्ध्या तासासाठी अशीच उघडी ठेवा.

त्यानंतर ती तेलात तळा. दिवाळी फराळासाठी स्वादिष्ट बाकरवडी तयार आहेत.