पावसाळ्याच्या या ऋतूत लोक विविध प्रकारच्या स्वादिष्ट पदार्थांचा आस्वाद घेतात. मात्र, या ऋतूत आरोग्याच्या दृष्टीने काळजी घेतली नाही तर तो त्रासदायक ठरतो. पावसाळ्यात तुम्हाला निरोगी राहायचे असेल तर काही आयुर्वेदिक पदार्थांचा आहारात समावेश केला पाहिजे. पावसाळ्यात रोगप्रतिकार शक्ती वाढवण्यासाठी आहारात आवळा, दालचिनी, लवंग आणि आले यांसारख्या आयुर्वेदिक गोष्टींचा समावेश करणे आवश्यक आहे. हे घटक सर्दी, फ्लू आणि इतर आजारांपासून संरक्षण करतात. पावसाळ्यात निरोगी राहण्यासाठी कोणत्या गोष्टींचा आहारात समावेश करावा, ते जाणून घ्या.

आले

पावसाळ्यात आहारासोबत आल्याचा समावेश करणे फायदेशीर ठरते. आले रोगप्रतिकारशक्ती वाढवतात आणि संसर्गापासून बचाव करतात. आलं हे एक उत्तम नैसर्गिक उपाय आहे, जे सर्दी, खोकला आणि घसा दुखणे यांसारख्या समस्यांवर मदत करते. आल्यामध्ये अँटीऑक्सिडंट्स असतात, जे रोगप्रतिकारशक्ती वाढवतात. आलं, दालचिनी आणि तुळस यांचा काढा बनवून प्यायल्याने सर्दी आणि खोकला कमी होण्यास मदत होते. पावसाळ्यात आल्याचा चहा फायदेशीर ठरतो. आल्याचा प्रभाव गरम असतो आणि त्यात बॅक्टेरियाच्या वाढीस प्रतिबंध करणारे पदार्थ, अँटीफंगल आणि विरोधी दाहक गुणधर्म असतात.

दालचिनी

पावसाळ्यात दालचिनीचा आहारात समावेश करणे आरोग्यासाठी फायद्याचे ठरते. दालचिनीमध्ये उष्णता असते, ज्यामुळे शरीराची रोगप्रतिकारशक्ती वाढते आणि सर्दी, खोकला यांसारख्या समस्या दूर होतात. दालचिनी पाचक  शक्ती सुधारते आणि पचनक्रिया योग्य ठेवण्यास मदत करते. दालचिनी उष्ण असल्यामुळे सर्दी आणि खोकला दूर करण्यासाठी मदत करते.

लवंग

पावसाळ्यात आरोग्यासाठी आहारात लवंग, आले, तुळस, दालचिनी, काळी मिरी  यांसारख्या पदार्थांचा समावेश करणे फायद्याचे ठरते. लवंगमध्ये अँटीऑक्सिडंट आणि अँटी-इन्फ्लेमेटरी गुणधर्म असतात, जे व्हायरल इन्फेक्शन आणि सर्दी-खोकला टाळण्यास मदत करतात. दालचिनी, काळी मिरी, आले, तुळस आणि लवंग मिसळून काढा बनवून प्या.

आवळा

पावसाळ्यात, आपल्या आहारात आवळा जरूर समाविष्ट करा. आवळा एक उत्कृष्ट अँटीऑक्सिडेंट आहे, जो रोगप्रतिकारशक्ती वाढवण्यास मदत करतो. आवळा व्हिटॅमिन सी चा एक चांगला स्रोत आहे आणि त्यात अँटीऑक्सिडंट गुणधर्म आहेत, जे पेशींना नुकसान होण्यापासून वाचवतात. आवळा चूर्ण रोज सकाळी किंवा रात्री गरम पाण्यासोबत सेवन करणे आरोग्यासाठी फायदेशीर आहे. आवळा रस देखील आहारात समाविष्ट करता येईल.

गवती चहा

पावसाळ्यात, आहारात गवती चहा समाविष्ट करणे आरोग्यासाठी खूप फायद्याचे आहे. गवती चहा सर्दी, खोकला, आणि पोटाच्या समस्यांवर नियंत्रण ठेवण्यास मदत करते, तसेच रोगप्रतिकार शक्ती वाढवते. गवती चहामध्ये अँटीऑक्सिडंट्स असतात, जे शरीराच्या रोगप्रतिकार शक्तीला मजबूत करतात आणि संसर्गांपासून बचाव करतात. पावसाळ्यात सर्दी आणि खोकला होण्याचा धोका जास्त असतो, पण गवती चहा यावर नियंत्रण ठेवण्यास मदत करते. एक कप गरम पाणी घ्या. त्यामध्ये 2-3 गवती चहाची पाने किंवा एक चमचा गवती चहा पावडर टाका. 5-7 मिनिटे उकळवा. गाळून घ्या आणि चहा प्या. तुम्ही त्यात आवडीनुसार मध किंवा लिंबू घाला शकता. 

ज्येष्ठमधाचे सेवन

पावसाळ्यात ज्येष्ठमधाचे सेवन अनेक प्रकारे फायद्याचे ठरते. यात अँटिऑक्सिडंट्स आणि अँटीबायोटिक गुणधर्म असतात, ज्यामुळे सांधेदुखी आणि घसा खवखवण्यासारख्या समस्यांवर आराम मिळतो. तसेच, जेष्ठमध पचनशक्ती सुधारण्यास मदत करते आणि सर्दी, खोकला, आणि त्वचेच्या समस्यांवरही गुणकारी आहे. जेष्ठमधाचा काढा किंवा चूर्ण सेवन केल्यास सर्दी आणि खोकल्यापासून आराम मिळतो.