Ayurvedic remedies to keep the liver healthy: चांगल्या आरोग्यासाठी तुमचे यकृत म्हणेजच लिव्हर निरोगी राहणे महत्वाचे आहे. यकृत शरीरात कार्बोहायड्रेट्स साठवण्यात, प्रोटीन बनवण्यात आणि पोषक तत्वे शोषण्यात महत्त्वाची भूमिका बजावते. म्हणूनच, त्याची काळजी घेणे खूप महत्वाचे आहे.
आयुर्वेदात अशा अनेक औषधी वनस्पती आहेत, ज्या तुमचे यकृत निरोगी ठेवण्यास आणि त्याच्याशी संबंधित समस्या टाळण्यासाठी किंवा बरे करण्यास मदत करू शकतात. आज आपण अशा ३ औषधी वनस्पतींबद्दल जाणून घेणार आहोत ज्यांचे सेवन तुमचे यकृत डिटॉक्सिफाय करण्यासाठी आणि ते निरोगी ठेवण्यासाठी फायदेशीर आहे. चला जाणून घेऊया या वनस्पती कोणत्या आहेत…..
भुई आवळा-
भुई आवळा शरीरातील यकृतावर परिणाम करणारी कोणतीही सूज किंवा ताण कमी करण्यास मदत करते. ते नैसर्गिकरित्या यकृतामधील विषारी पदार्थ काढून टाकण्यास देखील मदत करते. हे सर्व यकृताचे आरोग्य आणि चांगल्या कार्यास प्रोत्साहन देते. फक्त अर्धा चमचा भुई आवळ्याची पावडर कोमट पाण्यासोबत रिकाम्या पोटी किंवा जेवणानंतर दोन तासांनी घ्या.
भृंगराज-
भृंगराज ही एक शक्तिशाली औषधी वनस्पती आहे. जी यकृतला सूज, फॅटी लिव्हर आणि कावीळ यासारख्या यकृताच्या आजरांना दूर करण्यासाठी लिव्हर टॉनिक म्हणून वापरली जाते. ते पित्त संतुलित करण्यास मदत करते. तुम्ही जेवणापूर्वी किंवा नंतर दिवसातून एकदा किंवा दोनदा कोमट पाण्यासोबत त्याचा १/४ ते १/२ चमचा सेवन करू शकता.
वसू (पुनर्नवा)-
वसू ही एक अँटी इन्फ्लीमेंट्री आणि मूत्रवर्धक औषधी वनस्पती आहे. पुनर्नवा त्याच्या शुद्धीकरण आणि मूत्रवर्धक गुणधर्मांमुळे, यकृताच्या पेशींमधून विषारी पदार्थ काढून टाकून यकृताचे विषारी पदार्थ काढून टाकण्यास मदत करते.त्यामुळे यकृत योग्य कार्य करते. त्यात भूक वाढवणारे गुणधर्म देखील आहेत, जे पचन सुधारण्यासाठी फायदेशीर आहेत. तुम्ही ते सहसा काढा म्हणून घेऊ शकता. या औषधी वनस्पतीची भरड पावडर १ चमचा २ कप पाण्यात उकळा. पाणी निम्मे झाल्यावर गाळून प्या.नक्कीच फायदा मिळेल.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)
