Remedies for Period Cramps: भोपळ्याच्या बिया आरोग्यासाठी अत्यंत फायदेशीर मानल्या जातात. त्यामध्ये निरोगी फॅट्स आणि आवश्यक खनिजे असतात. जी रोगप्रतिकारक शक्ती वाढवण्यास मदत करतात. त्यांचे सेवन महिलांसाठी आणखी फायदेशीर आहे. भोपळ्याच्या बिया विशेषतः मासिक पाळीच्या काळात महिलांसाठी फायदेशीर असतात.
या बिया मासिक पाळीचे चक्र सुरळीत करण्यास आणि रक्तप्रवाह वाढविण्यास मदत करतात. मासिक पाळीशी संबंधित अनेक समस्यांसाठी भोपळ्याच्या बिया खाणे देखील फायदेशीर मानले जाते. मासिक पाळीच्या वेळी भोपळ्याच्या बिया खाणे का फायदेशीर आहे हे आपण आज जाणून घेऊया…..
रक्तस्त्राव नियंत्रित राहतो-
मासिक पाळी दरम्यान रक्तस्त्राव होऊ शकतो. भोपळ्याच्या बियांमध्ये लोह असते, जे ही कमतरता दूर करण्यास मदत करू शकते. लोह शरीरातील लाल रक्तपेशी वाढवते आणि पुनरुत्पादक अवयवांना ऑक्सिजन पुरवण्यास मदत करते. व्हिटॅमिन सी समृद्ध फळांसह ते खाल्ल्याने शरीराला लोह शोषण्यास मदत होते.
लोह वाढवते-
मासिक पाळी दरम्यान जास्त रक्तस्त्राव अनेक महिलांमध्ये लोहाची पातळी कमी करू शकतो. काही महिलांना लोहाची पातळी कमी जाणवू शकते. परंतु यामुळे अशक्तपणा येऊ शकतो. भोपळ्याच्या बियांमध्ये तांबे असते, जे लाल रक्तपेशी वाढवण्यास आणि लोहाचा वापर करण्यास मदत करते. यामुळे शरीरात लोहाची पातळी देखील वाढते.
पोटदुखी कमी करते-
अनेक महिलांना मासिक पाळी दरम्यान पोटात गोळे येतात. भोपळ्याच्या बिया खाल्ल्याने या वेदना कमी होण्यास मदत होते. त्यात मॅग्नेशियम असते, जे गर्भाशयाच्या स्नायूंना आराम देते. मॅग्नेशियम शरीरातील जळजळ कमी करण्यास देखील मदत करते. त्यामुळे मासिक पाळीतील वेदना कमी होतात.
सूज कमी करते-
मासिक पाळी दरम्यान सूजदेखील येते. अशा परिस्थितीत, भोपळ्याच्या बियां खाल्ल्याने जळजळ आणि सूज कमी होते. भोपळ्याच्या बियांमध्ये अँटी इन्फ्लीमेंट्री गुणधर्म असतात, जी जळजळ कमी करण्यास मदत करते. हार्मोनल ब्रेकआउटसाठी यातील झिंकदेखील फायदेशीर आहे.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)
