What to do to increase immunity during pregnancy: प्रेग्नन्सीदरम्यान स्त्रियांच्या शरीरात अनेक बदल होतात. गर्भाशयात एक लहान जीव विकसित होत असतो. त्यामुळे बहुतेक महिलांना गर्भधारणेमध्ये उलट्या, मळमळ आणि मूड स्विंग्स यासारख्या समस्या येतात. या समस्या सामान्य आहेत. या आरोग्य समस्यांना तोंड देण्यासाठी, महिलांना निरोगी आहार आणि जीवनशैलीचा अवलंब करण्यास प्रोत्साहित केले जाते.
प्रेग्नेंसीमध्ये बहुतांश महिलांची रोगप्रतिकारक शक्ती कमकुवत होते. ज्यामुळे त्या या काळात आजारी पडण्याची शक्यता वाढते. म्हणूनच गर्भधारणेदरम्यान रोगप्रतिकारक शक्ती वाढवण्यासाठी आणि उत्साही राहण्यासाठी नेमकं काय करायचं याबाबत आपण जाणून घेऊया…..
भरपूर पाणी पिणे-
गरोदरपणात प्रत्येक महिलेसाठी पुरेसे पाणी पिणे अत्यंत महत्त्वाचे आहे. तज्ज्ञांच्या मते गर्भवती महिलांनी निरोगी व्यक्तींपेक्षा दररोज ३०० मिली जास्त पाणी प्यावे. यामुळे विषारी पदार्थ बाहेर पडतात आणि रोगप्रतिकारक शक्ती वाढण्यास मदत होते.
व्यायाम-
गरोदरपणात महिलांसाठी व्यायाम देखील फायदेशीर आहे. महिलांनी हे लक्षात ठेवले पाहिजे की जर त्यांच्या डॉक्टरांनी व्यायामा न करण्याचा सल्ला दिला असेल तर त्यांनी कोणताही व्यायाम टाळावा. शक्य असल्यास, नियमित चालणे, योगा इत्यादींचा सराव करा. यामुळे रक्त प्रवाह वाढतो, ज्यामुळे कमकुवत प्रतिकारशक्ती सुधारण्यास मदत होते.
पौष्टिक आहार-
गरोदरपणात, प्रत्येक महिलेने निरोगी आहारावर लक्ष केंद्रित केले पाहिजे. त्यांनी विविध भाज्या आणि फळे खावीत. याचा अर्थ त्यांनी संतुलित आहार घेतला पाहिजे. ज्यामध्ये प्रोटीन,ड्रायफ्रूट्स, बिया आणि प्रोबायोटिकयुक्त पदार्थ यांचा समावेश आहे.
७ ते ८ झोप आवश्यक-
गरोदरपणात बऱ्याच महिलांना झोपेचा त्रास होतो. हे हार्मोनल असंतुलनामुळे असू शकते आणि बाळाचे वजन वाढत असताना, बसणे आणि झोपणे देखील कठीण बनते. यामुळे रात्रीची चांगली झोप मिळणे कठीण होते. परंतु गर्भवती महिलांनी त्यांची रोगप्रतिकारक शक्ती वाढवण्यासाठी पुरेशी झोप नक्कीच घेतली पाहिजे.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)
