Why does the body become deficient in Vitamin A:  व्हिटॅमिन ए हे डोळे, चमकदार त्वचा, रोगप्रतिकारक शक्ती मजबूत करण्यासाठी आणि शरीराच्या पेशींची दुरुस्ती करण्यासाठी आवश्यक आहे. ते अँटिऑक्सिडंट गुणधर्मांनी समृद्ध आहे आणि शरीराचे विविध आजार आणि रोगांपासून संरक्षण करण्यास मदत करते. यासाठी फक्त व्हिटॅमिन ए समृद्ध असलेले पदार्थ खाणे पुरेसे नाही.तर शरीराने ते योग्यरित्या शोषून घेणे देखील आवश्यक आहे.

बर्‍याच वेळा, आपण व्हिटॅमिन ए समृद्ध असलेले पदार्थ भरपूर प्रमाणात खातो. परंतु आपले शरीर ते पूर्णपणे शोषू शकत नाही. खराब खाण्याच्या सवयी, खराब पचनसंस्था, पोषक तत्वांचे असंतुलित सेवन आणि काही इतर आहार सवयींमुळे असू अशी समस्या येऊ शकते. आज आपण व्हिटॅमिन ए शरीरात योग्यरित्या शोषण्यात कोणत्या गोष्टींमुळे अडचण येते याबाबत जाणून घेऊया…..

जंक फूड-
प्रक्रिया केलेले अन्न, जंक फूड आणि प्रिझर्वेटिव्ह असलेले अन्न जास्त प्रमाणात खाल्ल्याने शरीराचे पौष्टिक संतुलन बिघडू शकते. हे अन्न पचनक्रिया मंदावू शकते आणि शरीरातील आवश्यक पोषक तत्वांचे शोषण कमी करू शकते. म्हणून, योग्य प्रमाणात व्हिटॅमिन ए मिळण्यासाठी नैसर्गिक आणि ताजे अन्न खायला सुरुवात करा.

पचनाच्या समस्या-
व्हिटॅमिन ए च्या शोषणात पचनसंस्था महत्त्वाची भूमिका बजावते. जर एखाद्या व्यक्तीला पचनसंस्थेच्या समस्या असतील, जसे की इरिटेबल बोवेल सिंड्रोम (IBS), सेलिआक आजार किंवा यकृताच्या समस्या, तर शरीर व्हिटॅमिन ए योग्यरित्या शोषू शकत नाही. शिवाय, आतड्यातील हेल्दी बॅक्टेरियामध्ये असंतुलन देखील व्हिटॅमिन ए शोषण कमी करू शकते.

झिंकची कमतरता-
झिंक हे एक आवश्यक खनिज आहे जे शरीराला व्हिटॅमिन ए शोषण्यास मदत करते.झिंकची कमतरता शरीराची व्हिटॅमिन ए साठवण्याची आणि वाहून नेण्याची क्षमता बिघडू शकते. ज्यामुळे त्याची प्रभावीता कमी होते. भोपळ्याच्या बिया, ड्रायफ्रूट्स, चिया सीड्स, डाळी आणि दुग्धजन्य पदार्थांमध्ये झिंक आढळते. जर आहारात झिंकची कमतरता असेल तर व्हिटॅमिन ए शोषणावर देखील परिणाम होऊ शकतो.

(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)