गेल्या काही दिवसांपासून पावसाचा जोर कमी झाला होता. पण मान्सूनची वाटचाल लक्षात घेता कोकण, पश्चिम महाराष्ट्र, मराठवाडा आणि विदर्भात पावसाचा जोर वाढेल, असा अंदाज हवामान विभागाने वर्तवला आहे. गेल्या काही दिवसांपासून मान्सूनने चांगलीच उसंत घेतल्याचं चित्र अवघ्या महाराष्ट्राने पाहिलं होतं. अशा परिस्थितीत शेतकऱ्यांच्या पेरण्या देखील रखडल्या होत्या….त्यामुळे आता दोन दिवसांत मान्सून सक्रिय झाल्यास सर्व कामांना गती मिळू शकते.
कोकण-पश्चिम महाराष्ट्रात पाऊस कसा असेल?
मराठवाडा-विदर्भातील पावसाचा अंदाज काय?
मराठवाड्यात गेल्या काही दिवसांपासून पावसाने विश्रांती घेतली होती. काही जिल्ह्यांमध्ये हलका ते मध्यम पाऊस पडला पण तो फार कमी वेळ पडला. परंतु आता पुन्हा एकदा पाऊस सक्रिय होणार आहे. मराठवाड्यातील आठही जिल्ह्यांना हवामान विभागाने पुढील तीन ते चार दिवस मुसळधार पावसाचा इशारा दिला आहे. नांदेड आणि हिंगोली या जिल्ह्यांना 11 जूनसाठी हवामान विभागाने यलो अलर्ट जारी केला आहे.
विदर्भात हलका ते मध्यम पाऊस पडेल, असा अंदाज आहे. चंद्रपूर आणि गडचिरोलीमध्ये पावसाचा जोर जास्त राहील. अमरावती आणि नागपूरमध्येही पावसाची शक्यता आहे. चंद्रपूर आणि गडचिरोलीसाठी यलो अलर्ट जारी करण्यात आला आहे. नाशिक, अहमदनगरमध्येही तुरळक ठिकाणी पाऊस पडेल, असा अंदाज आहे.
मान्सून सक्रिय होण्याची चिन्हं
येत्या काही दिवसांमध्ये मान्सून सक्रिय होण्याची शक्यता आहेत. त्यामुळे 12 ते 16 जून या कालावधीत देशात अनेक ठिकाणी मुसळधार पावसाची शक्यता आहे. विशेषतः महाराष्ट्रातील कोकण किनारपट्टीचा भाग आणि गोव्यातील काही ठिकाणी अतिवृष्टीची शक्यता आहे.
Moderate rainfall reported from 0830 hours IST of yesterday to 0530 hours IST of today over Nagaland, coastal Andhra Pradesh, Chhattisgarh, coastal & south Interior Karnataka, Tamil Nadu Puducherry & Karaikal and light rainfall over Andaman & Nicobar, Telangana, Lakshadweep,… pic.twitter.com/wqdyD9Mp1h
— India Meteorological Department (@Indiametdept) June 11, 2025
