यंदाच्या महाराष्ट्रातील अतिवृष्टीमुळे अनेक जिल्ह्यांमध्ये पूरस्थिती निर्माण झाली असून शेतकऱ्यांचे मोठ्या प्रमाणावर नुकसान झाले आहे. विशेषतः सोयाबीन पिकावर या नैसर्गिक आपत्तीचा मोठा परिणाम झाला आहे. सततच्या पावसामुळे पिके पाण्याखाली गेली, मुळे कुजली आणि उत्पादन क्षमता घटली. शेतकऱ्यांनी मोठ्या आशेने घेतलेले सोयाबीन पीक आता नष्ट झाल्याने त्यांच्या आर्थिक स्थितीवर गंभीर परिणाम झाला आहे. बाजारात सोयाबीनच्या दरातही घट झाल्याने नुकसान भरून काढणे अशक्य बनले आहे.
सोयाबीन उत्पादक अडचणीत
राज्याच्या मार्केटमध्ये 6 हजार 771 क्विंटल सोयाबीनची एकूण आवक झाली. यापैकी नागपूर मार्केटमध्ये सर्वाधिक 3 हजार 489 क्विंटल आवक राहिली. त्यास प्रतीनुसार 3800 ते 4302 रुपये प्रतिक्विंटल बाजार भाव मिळाला. तसेच अहिल्यानगर मार्केटमध्ये आवक झालेल्या 30 क्विंटल सोयाबीनला 4100 रुपये सर्वसाधारण बाजार भाव मिळाला. चंद्रपूर मार्केटमध्ये 658 क्विंटल सोयाबीनची आवक होऊन त्यास 3213 रुपये सर्वसाधारण बाजारभाव मिळाला.
हे ही वाचा
प्रत चांगली न राहिल्याने बाजार समित्यांमध्ये सोयाबीनला सध्या चांगला दर मिळताना दिसत नाही. बाजारात सोयाबीनच्या दरातही घट झाल्याने नुकसान भरून काढणे अशक्य बनले आहे. सरकारकडून मदतीच्या घोषणा झाल्या असल्या तरी अनेक शेतकऱ्यांपर्यंत त्या पोहोचलेल्या नाहीत. अतिवृष्टी आणि पूरामुळे शेतकऱ्यांची कर्जबाजारीपणाची समस्या अधिक तीव्र झाली आहे. एकूणच, यंदाची अतिवृष्टी आणि पूरस्थितीने महाराष्ट्रातील शेती क्षेत्राला मोठा फटका बसला आहे. शेतकऱ्यांना तातडीने आर्थिक मदत, पीकविमा दावे आणि पुनर्वसनाची गरज आहे.
बाजारात मक्याचे दर गडगडले !
राज्याच्या कृषीमार्केट मध्ये आज एकूण 2 हजार 085 क्विंटल मक्याची आवक झाली. यापैकी नाशिक मार्केटमध्ये 1 हजार 500 क्विंटल मक्याची सर्वाधिक आवक झाली. त्यास मक्याच्या प्रतीनुसार कमीत कमी 1000 ते जास्तीत जास्त 1900 रुपये प्रतिक्विंटल बाजार भाव मिळाला. तसेच पुणे मार्केटमध्ये आवक झालेल्या 4 क्विंटल लाल मक्यास 2500 ते 2700 रुपये दरम्यान सर्वाधिक बाजारभाव मिळाला.