भारतीय ग्राहक SUV सेगमेंटमध्ये हुंडईच्या कारांना मोठ्या प्रमाणात पसंती देतात. विशेषतः हुंडई क्रेटा, वेन्यू आणि टक्सन या मॉडेल्स विक्रीत आघाडीवर आहेत. आता कंपनी आणखी तीन नवीन SUV मॉडेल्स लॉन्च करण्याच्या तयारीत आहे. या नवीन मॉडेल्समध्ये हायब्रिड क्रेटा, फेसलिफ्ट वेन्यू आणि अपडेटेड टक्सन यांचा समावेश आहे. चला याबाबत सविस्तर माहिती घेऊया.
हुंडई वेन्यू फेसलिफ्ट
हुंडई वेन्यूचा फेसलिफ्ट व्हर्जन नवीन डिझाइन आणि इंटीरियर अपडेट्ससह येणार आहे. भारतीय रस्त्यावर या कारची टेस्टिंग अनेकदा पाहायला मिळाली आहे, ज्यामुळे लवकरच लॉन्च होण्याची शक्यता दिसते. या कारमध्ये अपडेटेड फ्रंट ग्रिल, हेडलॅम्प आणि टेललॅम्प डिझाइन असू शकते. तसेच इंटीरियरमध्येही नवीन डॅशबोर्ड, अपहोल्स्ट्री आणि टचस्क्रीन डिस्प्ले मिळणार आहेत.
हे ही वाचा
इंजनच्या बाबतीत सध्याच्या प्रमाणे 1.2 लिटर पेट्रोल, 1.0 लिटर टर्बो आणि 1.5 लिटर डिझेल पर्याय दिले जातील. फेसलिफ्ट वेन्यूची लाँचिंग 2025 च्या शेवटी किंवा 2026 च्या सुरुवातीस होण्याची शक्यता आहे. ही SUV खासकरून किफायतशीर आणि मॉडर्न कॉम्पॅक्ट SUV शोधणाऱ्या ग्राहकांसाठी उपयुक्त ठरेल.
हुंडई क्रेटा हायब्रिड
हुंडई क्रेटा आता हायब्रिड व्हर्जनमध्ये सादर होणार आहे, जी जास्त फ्यूल इफिशियंट आणि पर्यावरणपूरक आहे. या नवीन क्रेटामध्ये पेट्रोल इंजिनसह इलेक्ट्रिक मोटरचा हायब्रिड सेटअप दिला जाईल, ज्यामुळे ड्रायव्हिंग अनुभव अधिक स्मूद आणि मायलेजही सुधारेल.
डिझाइनमध्ये नवीन हेडलॅम्प, बंपर आणि इंटीरियरमध्ये अपग्रेड्स अपेक्षित आहेत. मीडिया रिपोर्ट्सनुसार, हायब्रिड क्रेटा 2027 पर्यंत भारतीय बाजारात उपलब्ध होण्याची शक्यता आहे. ही SUV टेक्नॉलॉजी, कमी प्रदूषण आणि उच्च मायलेजची अपेक्षा करणाऱ्या ग्राहकांसाठी आदर्श असेल.
हुंडई टक्सन फेसलिफ्ट
हुंडईची प्रीमियम SUV टक्सनचा फेसलिफ्ट व्हर्जन लवकरच भारतात येणार आहे. हा मॉडल आधीच आंतरराष्ट्रीय बाजारात उपलब्ध आहे. टक्सनमध्ये नवीन मस्क्युलर डिझाइन, ग्लोबल स्टाइलिंग असलेला फ्रंट आणि LED लाईट्स मिळण्याची अपेक्षा आहे. इंटीरियरमध्ये मोठा टचस्क्रीन, डिजिटल इंस्ट्रुमेंट क्लस्टर आणि प्रीमियम मटेरियल्सचा वापर केला जाईल.
इंजिनच्या बाबतीत मोठे बदल अपेक्षित नाहीत आणि सध्याचे पेट्रोल व डिझेल इंजिन्स उपलब्ध राहतील. टक्सन फेसलिफ्ट 2025 किंवा 2026 मध्ये लॉन्च होऊ शकते. फीचर-रिच, प्रीमियम आणि स्टाइलिश SUV शोधणाऱ्या ग्राहकांसाठी ही SUV आदर्श आहे.
हुंडईची ही तीन नवीन SUV मॉडेल्स भारतीय बाजारात ग्राहकांच्या पसंतीस उतरण्याच्या दृष्टीने महत्त्वाची ठरतील. वेन्यू फेसलिफ्ट किफायतशीर कॉम्पॅक्ट SUV, क्रेटा हायब्रिड पर्यावरणपूरक आणि मायलेजवर लक्ष केंद्रित करणारी आणि टक्सन फेसलिफ्ट प्रीमियम सेगमेंटमध्ये दमदार पर्याय ठरेल.