वास्तुशास्त्रानुसार मांजरीचे घरात येणे किंवा दिसणे शुभ आणि अशुभ अशा दोन्ही संकेतांशी जोडलेले आहे. आज आपण मांजरीबद्दल कोणत्या गोष्टी या शुभ आहेत आणि कोणत्या अशुभ आहेत? याबद्दल जाणून घेणार आहोत. चला तर मग याबद्दल जाणून घेऊयात…

मांजर पाळणं शुभ की अशुभ?

वास्तुशास्त्रानुसार, मांजर पाळणे हे सकारात्मक आणि नकारात्मक दोन्ही पैलू बाळगते. ज्योतिषशास्त्रानुसार मांजराची उपस्थिती सुखद असू शकते, तर काही ठिकाणी ती राहूशी जोडून अशुभही मानली जाते. मांजर नकारात्मक ऊर्जा शोषून घेते, त्यामुळे ती पाळणे अनेकदा शुभ मानले जाते आणि यामुळे राहत्या जागेतील वास्तुदोष कमी होऊ शकतात. सकाळी-सकाळी घरात मांजर येणे हे शुभ मानले जाते, यामुळे सकारात्मक ऊर्जा वाढते. घरात सोनेरी किंवा गोल्डन मांजर येणे सौभाग्य, आर्थिक वृद्धी आणि रखडलेली कामे पूर्ण होण्याचे संकेत देते.

मांजर आडवं जाणं

वास्तुशास्त्र आणि शकुन शास्त्रानुसार मांजर मार्ग ओलांडणे हे प्रामुख्याने अशुभ मानले जाते, विशेषतः जेव्हा मांजर उजवीकडून डावीकडे जाते. मात्र, मांजर डावीकडून उजवीकडे गेल्यास ते अशुभ मानले जात नाही. महत्त्वाच्या कामासाठी बाहेर पडताना मांजर आडवी गेल्याने कामात अडथळे येऊ शकतात, असे पूर्वीपासून मानले जाते. जर मांजर उजवीकडून डावीकडे गेली, तर ते कामात अपयश किंवा अशुभ घटनांचे संकेत असू शकते. मांजर आडवी गेल्यास थोडे थांबून, दुसरे कोणीतरी पुढे गेल्यावर प्रवास करणे योग्य मानले जाते.

(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)