राज्यातील महिला, तरूणींसह आता लहान मुलींच्या सुरक्षिततेचा प्रश्न गंभीर बनला आहे. नराधमांच्या नजरेतून लहान मुली देखील सुटताना दिसत नाहीत. अल्पवयीन मुलींवरील अत्याचाराच्या घटनांमध्ये देखील वाढ होताना दिसत आहे. नागपूरमध्ये अल्पवयीन मुलीवरील दोन नराधमांनी सामुहिक अत्याचार केल्याची धक्कादायक घटना घडली आहे. साताऱ्यातील फलटणमधील डॉक्टर हत्महत्या प्रकरण ताजे असतानाचा नागपूरमध्ये ही संतापजनक घटना समोर आली आहे. या घटनेमुळे प्रचंड संताप व्यक्त केला जात आहे. पोलिसांनी या प्रकरणी दोन आरोपींना अटक केली आहे. या घटनेमुळे नागपूर परिसरात संतापाची लाट आहे.

12 वर्षीय मुलीवर लॉजमध्ये अत्याचार

लॉज मालक अडचणीत येणार का?

या घटनेमुळे अनेक गंभीर प्रश्न उभे राहिले आहेत. 12 वर्षांची मुलगी लॉजवर गेली कशी? आणि सर्वात महत्त्वाचे म्हणजे लॉज मालकाने अल्पवयीन मुलीला लॉजवर घेऊन जाण्याची परवानगी दिली कशी? असे प्रश्न आता निर्माण झाले आहेत. पोलिसांच्या तपासात या प्रश्नांची उत्तरे अद्यापही समोर आलेली नाहीत. दोन्ही नराधमांसोबत लॉज मालकालाही या प्रकरणात शिक्षा होणार का? याकडे आता सर्वांचे लक्ष लागले आहे. नागरिकांनी आरोपींवर कठोर कारवाईची मागणी केली आहे. त्यामुळे आता आगामी काही दिवसांत या प्रकरणात नेमकी कुणावर आणि अशी कारवाई होते ते पाहणे महत्वाचे ठरणार आहे.