Dhurandhar Movie Box Office Collection : 600 कोटींच्या क्लबमध्ये ‘धुरंधर’ने जोरदार एन्ट्री घेतली असून रणवीर सिंहची ही स्पाय-अ‍ॅक्शन थ्रिलर फिल्म बॉक्स ऑफिसवर नवे विक्रम रचत आहे. रिलीजच्या 20व्या दिवशीही दहाच्या घरात कमाई टिकवून ठेवत चित्रपटाने भारतीय बाजारात तब्बल 607 कोटी रुपयांची कमाई केली आहे. 5 डिसेंबरला प्रदर्शित झालेल्या या चित्रपटाने पहिल्या दिवसापासूनच प्रेक्षकांचे जबरदस्त मनोरंजन करत बॉक्स ऑफिसवर आपली पकड मजबूत ठेवली आहे.

रणवीर सिंहसोबत अक्षय खन्ना, अर्जुन रामपाल, संजय दत्त आणि आर. माधवन यांसारख्या दर्जेदार कलाकारांनी सजलेल्या या उच्चबजेट चित्रपटाला देशभरातून प्रेक्षकांचा प्रचंड प्रतिसाद मिळत आहे. सुमारे 5,000 स्क्रीन्सवर रिलीज झालेल्या ‘धुरंधर’ने तिसऱ्या आठवड्यातही कोणतीही मंदी न दाखवता सतत स्थिर आणि दमदार कमाई केली आहे, जे आजच्या स्पर्धात्मक वातावरणात अत्यंत उल्लेखनीय मानले जाते.

कशी कशी झाली कमाई (Dhurandhar Movie Box Office Collection)

सॅकनिल्कच्या आकडेवारीनुसार ‘धुरंधर’ने पहिल्या आठवड्यात 207.25 कोटींची कमाई नोंदवली. दुसऱ्या आठवड्यात तर या चित्रपटाने तब्बल 253.25 कोटींची कमाई करत विक्रमी वाढ कायम ठेवली. तिसऱ्या आठवड्यातही या चित्रपटाची घोडदौड सुरूच राहिली. 15व्या दिवशी 22.5 कोटी, 16व्या दिवशी 34.25 कोटी, 17व्या दिवशी 38.5 कोटी, 18व्या दिवशी 16.5 कोटी आणि 19व्या दिवशी 17.25 कोटींची कमाई करत चित्रपटाने सातत्यपूर्ण कामगिरी दाखवली. त्यानंतर 20व्या दिवशीही ‘धुरंधर’ने 17.75 कोटींची भक्कम कमाई केली आणि 600 कोटींच्या पलीकडे झेप घेतली.

वर्षातील सर्वात हिट चित्रपट

प्रेक्षकांकडून आणि समीक्षकांकडून मिळणारा प्रतिसाद पाहता ‘धुरंधर’ हा वर्षातील सर्वात मोठ्या हिट चित्रपटांपैकी एक ठरत आहे. दमदार कथा, तगडे अॅक्शन सिक्वेन्सेस, उच्च दर्जाचे तांत्रिक काम आणि रणवीर सिंहचा करिश्माई अभिनय या सर्व गोष्टींमुळे चित्रपटाला अफाट लोकप्रियता मिळत आहे. सोशल मीडियावरही ‘धुरंधर’ ट्रेंडिंगमध्ये असून प्रेक्षक आपापले आवडते अॅक्शन सीन्स, संवाद आणि क्षण शेअर करत आहेत. Dhurandhar Movie Box Office Collection

आदित्य धर यांच्या लेखन-दिग्दर्शनाखाली तयार झालेल्या या चित्रपटाची निर्मिती जियो स्टुडिओज, बी62 स्टुडिओज आणि सारेगामाच्या सहयोगाने करण्यात आली आहे. भारतीय अॅक्शन थ्रिलर्सच्या पातळीला नवा आयाम देणारा हा चित्रपट भविष्यातील बॉलिवूडच्या मोठ्या फ्रँचायजींपैकी एक म्हणून उदयास येत आहे.

चित्रपटाच्या जोरदार यशानंतर आता प्रेक्षकांची उत्सुकता ‘धुरंधर’च्या पुढील भागाकडे वळली आहे. निर्मात्यांनी आधीच त्याच्या सिक्वेलची घोषणा केली असून ‘धुरंधर 2’ हा चित्रपट 19 मार्च 2026 रोजी प्रदर्शित होणार आहे. पहिल्या भागाच्या तुफान यशामुळे प्रेक्षकांमध्ये या सिक्वेलबद्दल प्रचंड उत्सुकता निर्माण झाली आहे.