मुंबई महानगरपालिकेच्या एक्झिट पोल मध्ये ठाकरे बंधूंना मोठा झटका बसताना दिसतोय. एकीकडे महायुती 125 ते 130 जागांवर विजयी होऊ शकते असा अंदाज एक्झिट पोल मध्ये वर्तवण्यात आलाय तर दुसरीकडे ठाकरे बंधू आणि शरद पवारांना अवघ्या 70 ते 80 जागा मिळताना दिसत आहेत. या एक्झिट पोल मुळे उद्धव ठाकरेंच्या 25 वर्षाच्या सत्तेला सुरुंग लागल्याचे स्पष्ट झालं असताना दुसरीकडे ठाकरे गटाचे खासदार संजय राऊत यांनी एक ट्विट करत खळबळ उडवून दिली आहे.

काय आहे संजय राऊतांचे ट्विट

संजय राऊत यांनी ट्विट करत म्हटले, आताची ताजी खबर, मुंबई पालिका आयुष्य भूषण गगराणी यांची भाजपासोबत प्रदीर्घ चर्चा आणि बैठक संपली. देवेंद्र फडणवीस यांचा मुंबईतील खास खजिनदार, लाडका बिल्डर आणि गगराणी यांच्या बैठकीत काय शिजले? असा प्रश्न त्यांनी विचारला आहे. संजय राऊतांच्या या ट्विटमुळे राजकीय वर्तुळात तर्क वितर्क लढवले जात आहे. राऊतांच्या या ट्विटचा रोख मोहित कंबोज यांच्या दिशेने असल्याचं बोलले जाते.

मुंबईतील एक्झिट पोल काय सांगतोय?

JVC BMC Exit Poll : BMC Election 2026 Exit Poll
भाजप शिंदे – 138
ठाकरे- मनसे – 59
काँग्रेस-वंचित – 23
इतर – 7

मतांची टक्केवारी किती?
महायुती : 42-45%
शिवसेना ठाकरे- मनसे : 34-37%
काँग्रेस- वंचित : 13-15%
इतर : 6-8% (BMC Election 2026 Exit Poll)

Lokshahi Rudra Research BMC Exit Poll :

भाजप शिवसेना – 121
शिवसेना ठाकरे- मनसे – 71
काँग्रेस वंचित – 25
इतर – 10

Axis My India BMC Exit Poll :

भाजप शिंदे – 131- 151
ठाकरे- मनसे – 58-68
काँग्रेस-वंचित – 12-16
इतर – 6-12

मतदानाची टक्केवारी कशी?

भाजप शिंदे – 42
ठाकरे- मनसे – 32
काँग्रेस-वंचित – 13
इतर – 13