सोलापूर: सोलापुरातून एक धक्कादायक बातमी समोर येत आहे. सोलापुरातील प्रसिद्ध न्युरोलॉजिस्ट आणि एस. पी. इन्स्टिट्युटचे सर्वेसर्वा डॉ. शिरीष वळसंगकर यांनी जीवन संपवलं आहे. खरंतर ज्या रूग्णालयात त्यांनी आजवर हजारो रूग्णांची सेवा केली. त्याच रूग्णालयाजवळील घरी त्यांनी स्वत:चं जीवन संपवलं आहे. अवघ्या सोलापूर जिल्ह्याच्या वैद्यकीय क्षेत्राला हादरवून टाकणारी अशी ही घटना आहे.
गोळी झाडत आत्महत्या
याबाबत समोर आलेल्या माहितीनुसार, शिरीष वळसंगकरांनी स्वतःवर गोळी झाडून घेत जीवन संपवलं. प्राथमिक माहितीनुसार दोन राउंड फायर झाल्या. त्यातील एक गोळी डोक्याच्या आरपार गेली. मोदी परिसरात असलेल्या त्यांच्या घराच्या बेडरूममध्ये त्यांनी स्वतःवर गोळी झाडली. या घटनेमुळं सोलापूर जिल्ह्यातील वैद्यकीय क्षेत्रात खळबळ उडाली आहे. शहरातील नामांकित रुग्णालय वळसंगकर हॉस्पिटलमध्ये त्यांनी हजारो रुग्णांवर उपचार केले त्याच रुग्णालयात त्यांनी अखेरचा श्वास घेतला.
डॉ. शिरीष वळसंगकर यांनी अज्ञात कारणावरुन शुक्रवारी रात्री 8.30 च्या सुमारास स्वतःच्या घरात असताना डोक्यात गोळी झाडून घेतली. यानंतर गोळीचा आवाज येताच बेशुद्धवस्थेत असलेल्या डॉ. वळसंगकर यांना रुग्णालयात दाखल करण्यात आलं. डॉ. शिरीष वळसंगकर हे अत्यंत गंभीर जखमी असल्यानं यांचा मृत्यू झाल्याची माहिती समोर आली आहे. यामुळं सोलापूरच्या वैद्यकीय क्षेत्रात मोठी खळबळ उडाली आहे.
वैद्यकीय क्षेत्रातील मोठं नाव
डॉ. शिरीष वळसंगकर हे अत्यंत प्रसिद्ध न्युरोफिजिशियन होते. केवळ सोलापूर जिल्ह्यापूरत हे नाव मर्यादीत नव्हते, तर जगभरात त्यांनी विविध रुग्णालयात वैद्यकीय सेवा बजावली आहे. त्यांनी जीवन संपवण्याचे टोकाचे पाऊले का उचलले याचे कारण अद्याप समोर आलेले नाही. ज्या हॉस्पिटलमध्ये डॉ. शिरीष वळसंगकर यांनी हजारो रुग्णांवर उपचार केलं त्यांच्या त्याचं रुग्णालयात त्यांनी शेवटचा श्वास घेतला.. रुग्णालयात जेव्हा ही वार्ता कळाली तेव्हा सर्वसामान्य रुग्णांच्या नातेवाईकांनी आयसीयू बाहेर प्रचंड गर्दी केली. वळसंगकरांवर एस पी रूग्णालयात उपचार करण्याचा प्रयत्न केला, मात्र त्यांचा मृत्यू झाला.
डॉ. शिरीष वलसंगकर यांनी सोलापूर येथील डीबीएफ दयानंद कॉलेज ऑफ आर्ट्स अँड सायन्समध्ये शिक्षण घेतले आणि सन्मानाने पदवी प्राप्त केली. विज्ञानाची पूर्व-पदवी सन्मानाने उत्तीर्ण झाली आणि प्री-प्रोफेशनल सन्मानाने उत्तीर्ण झाली आणि वैद्यकीय शिक्षण सोलापूर येथील डॉ. व्हीएम मेडिकल कॉलेजमधून पूर्ण केले. त्यांनी अनुक्रमे शिवाजी विद्यापीठ आणि लंडनमधील रॉयल कॉलेज ऑफ फिजिशियनमधून एमबीबीएस, एमडी आणि एमआरसीपी पदवी मिळवली. ते मराठी, कन्नड, इंग्रजी आणि हिंदी या चार भाषांमध्ये संवाद साधू शकतात. वळसंगकर यांच्या जाण्याने वैद्यकीय क्षेत्राचं मोठं नुकसान झाल्याची भावना व्यक्त केली जात आहे.
